RRR నుంచి మరో అప్డేట్.. ఆలియా భట్ “సీత” ఫస్ట్ లుక్ ఎప్పుడంటే..?

Saturday, March 13th, 2021, 08:52:09 PM IST

టాలీవుడ్ దర్శకధీరుడు రాజమౌళి దర్శకత్వంలో రామ్ చరణ్ తేజ్, జూనియర్ ఎన్టీఆర్‌లు హీరోలుగా కలిసి నటిస్తున్న చిత్రం “రౌద్రం రణం రుధిరం”. పీరియాడిక్ యాక్షన్ డ్రామాగా తెరకెక్కుతున్న ఈ సినిమాలో ఎన్టీఆర్ కొమరం భీమ్ గా నటిస్తుండగా, రామ్ చరణ్ అల్లూరి సీతారామరాజుగా నటిస్తున్నారు. ప్రస్తుతం ఈ సినిమా షూటింగ్ శరవేగంగా జరుగుతుంది.

అయితే తాజాగా ఈ సినిమా నుంచి మరో అప్డేట్ వచ్చింది. హీరోయిన్ ఆలియా భట్‌కి సంబంధించి ఓ ఇంట్రెస్టింగ్ న్యూస్ తెలిసింది. సీత పాత్ర పోషిస్తున్న ఆలియా భట్ ఫస్ట్ లుక్ రివీల్ చేస్తున్నట్లు ప్రకటించారు. మార్చి 15 ఉదయం 11 గంటలకు ఈ పోస్టర్ రిలీజ్ అవుతుందని అనౌన్స్ చేశారు.