ఏపీలో మరో కరోనా పాజిటివ్ కేసు.. విశాఖలో కలకలం..!

Tuesday, March 24th, 2020, 01:20:06 AM IST

ఏపీలో కరోనా పాజిటివ్ కేసుల సంఖ్య ఏడుకు చేరింది. తాజాగా విశాఖలో మరో పాజిటివ్ కేసు నమోదు అయింది. ఇటీవల ఇంగ్లాండ్ నుంచి వచ్చిన 25 ఏళ్ళ యువకుడికి కరోనా లక్షణాలు కనిపించడంతో ఆ యువకుడుకి పరీక్షలు నిర్వహించగా పాజిటివ్ అని తేలింది.

కాగా ఈ కేసు విశాఖలో రెండవది కావడంతో విశాఖ వాసులలో ఇప్పటికే తీవ్ర కలవరం మొదలయ్యింది. ఈ కేసుతో ఏపీలో మొత్తం 7 పాజిటివ్ కేసులు నిర్ధారణ కాగా, సోమవారం ఒక్కరోజే కరోనా లక్షణాలతో 15 మంది ఆసుపత్రిలో చేరారు. అయితే వారందరి శాంపిల్స్‌ని పుణే ల్యాబ్‌కి పంపారు.