తొలి కేబినెట్ భేటీ.. చర్చకు రానున్న అంశాలు ఇవే !

Monday, June 10th, 2019, 10:56:40 AM IST

వైకాపా ప్రభుత్వ ఏర్పడి, జగన్ ముఖ్యమంత్రిగా ప్రమాణస్వీకారం చేశాక రాష్ట్ర మంత్రిమండలి తొలిసారిగా ఈరోజు సమావేశం కానుంది. ఉండవల్లిలో ఈ భేటీ జరగనుంది. ఇందులో ప్రధానమైన 8 అంశాలు చర్చకు రానున్నాయి. ఇప్పటికే ప్రభుత్వ ప్రధాన కార్యదర్శి ఎల్వీ సుబ్రమణ్యం ఆయా శాఖల నుండి భేటీకి కావాల్సిన సమాచారాన్ని తెప్పించారు.

ఈ సమావేశంలో ఆశా వర్కర్ల వేతనాలను 3000 నుండి 10,000లకు పెంచే అంశంపై కేబినెట్ ఆమోదం తెలుపుతుంది. అలాగే పింఛనును 2000 నుండి 250 చొప్పున పెంచుకుంటూ 3000లకు తీసుకెళ్లే నిర్ణయానికి కూడా ఆమోదం రానుంది. ఈ రెండు ప్రధాన అంశాలతో పాటు హోంగార్డుల జీతాలు పెంపు, రైతు భరోసా కింద రైతుకు ఏటా 12,500 చెల్లించే పథకానికి కూడా కేబినెట్ ఆమోదం తెలపనుంది. అలాగే ఆర్టీసీని ప్రభుత్వంలో విలీనం చేయడం, సీపీఎస్ రద్దు, మున్సిపల్ కార్మికుల జీతాలు పెంపు అంశాలు చర్చకు రానున్నాయి.