ఏపీలో కొత్తగా 18,972 కరోనా కేసులు, మరో 71 మంది మృతి..!

Monday, May 3rd, 2021, 09:02:38 PM IST

ఏపీలో సెకండ్ వేవ్ కరోనా ఉధృతి కొనసాగుతోంది. ప్రతి రోజు రికార్డ్ స్థాయిలో కరోనా కేసులు, మరణాలు నమోదవుతున్నాయి. అయితే గడిచిన 24 గంటలలో 1,15,275 శాంపిల్స్‌ని పరీక్షించగా 18,972 పాజిటివ్ కేసులు నమోదు అయ్యాయి. ఇక కరోనా బారిన పడి నేడు మరో 71 మంది మృతి చెందారు. అయితే రాష్ట్రంలో ఇప్పటివరకు నమోదైన మొత్తం పాజిటివ్ కేసుల సంఖ్య 11,63,994కి చేరింది.

అయితే ఇందులో ప్రస్తుతం 1,51,852 మంది చికిత్స పొందుతుండగా 10,01,040 మంది డిశ్చార్జ్ అయ్యారు. ఇక నేడు కరోనా నుంచి కోలుకుని మరో 10,227 మంది డిశ్చార్జ్ అయ్యారు. ఇదిలా ఉంటే రాష్ట్రంలో మొత్తం కరోనా మరణాల సంఖ్య 8,207కి చేరింది. అయితే ఇప్పటి వరకు రాష్ట్ర వ్యాప్తంగా మొత్తం 1,67,18,148 శాంపిల్స్ పరీక్షించారు.