తెలంగాణలో వెయ్యి దాటిన కరోనా మరణాలు.. కొత్తగా 2,159 కేసులు..!

Thursday, September 17th, 2020, 10:16:11 AM IST

తెలంగాణలో రోజు రోజుకు కరోనా కేసులు పెరిగిపోతున్నాయి. గత కొద్ది రోజులుగా భారీ స్థాయిలో కేసులు నమోదవుతున్నాయి. అయితే తాజాగా గడిచిన 24 గంటలలో 2,159 కొత్త పాజిటివ్ కేసులు నమోదు కాగా కరోనా కారణంగా మరో 9 మంది చనిపోయారు. ఇక కరోనా నుంచి కోలుకుని నేడు 2,108 మంది డిశ్చార్జ్ అయ్యారు.

అయితే తాజా కేసులతో కలిపి రాష్ట్రంలో మొత్తం కరోనా కేసుల సంఖ్య 1,65,003 కి చేరింది. ఇదిలా ఉండగా కరోనా నుంచి కోలుకుని ఇప్పటివరకు 1,33,555 మంది డిశ్చార్జ్ కాగా ఇంకా 30,443 యాక్టివ్ కేసులు ఉన్నాయి. అటు రాష్ట్రంలో కరోనా మరణాల సంఖ్య 1005 కి చేరింది. ఇదిలా ఉంటే గడిచిన 24 గంటల్లో 53,094 మంది శాంపిల్స్‌ను పరీక్షించారు. ఇప్పటి వరకు రాష్ట్రంలో మొత్తం 23,29,316 టెస్ట్‌లు చేశారు. ఇక ప్రస్తుతం రాష్ట్రంలో రికవరీ రేటు 80.94 శాతం ఉండగా, మరణాల రేటు 0.60% ఉన్నట్టు హెల్త్ బులెటిన్ తెలిపింది.