భారత్‌లో మళ్ళీ పెరుగుతున్న కరోనా కేసులు.. కొత్తగా ఎన్నంటే?

Saturday, November 21st, 2020, 12:04:03 PM IST

భారత్‌లో కరోనా ప్రభావం ఇంకా తగ్గడం లేదు. గతంలో రోజుకు లక్షకు చేరువలో కొత్త కేసులు నమోదవుతుండగా ఇప్పుడు అది కాస్త తగ్గింది. అయితే తాజాగా గడిచిన 24 గంటల్లో 46,232 పాజిటివ్ కేసులు నమోదు కాగా, కరోనాతో మరో 564 మంది చనిపోయారు. అయితే దేశంలో ఇప్పటి వరకు నమోదైన మొత్తం పాజిటివ్ కేసుల సంఖ్య 90,50,598 కి చేరింది.

అయితే ప్రస్తుతం అందులో 4,39,747 యాక్టివ్ కేసులు ఉండగా, 84,78,124 మంది కరోనా నుంచి కోలుకున్నారు. అయితే ఇప్పటివరకు మొత్తం 1,32,726 మంది కరోనా బారిన పడి చనిపోయారు. ఇక నిన్న దేశవ్యాప్తంగా 49,715 మంది కరోనా నుంచి కోలుకుని డిశ్చార్జ్ అయ్యారు. గడిచిన 24 గంటల్లో దేశంలో 10,66,022 శాంపిల్స్ పరీక్షించారు. ఇక దేశంలో కరోనా రికవరీ రేటు 93 శాతం ఉండగా, మరణాల రేటు 1.5 శాతంగా ఉంది.