కరోనా అప్డేట్: ఏపీలో భారీగా తగ్గిన కరోనా కేసులు..!

ఏపీలో కరోనా కేసుల సంఖ్య క్రమ క్రమంగా తగ్గుతూ వస్తుంది. గతంలో రోజుకు వెయ్యికి పైగా కొత్త కేసులు నమోదవుతుండగా కొద్ది రోజుల నుంచి ఆ సంఖ్య మరింత తగ్గింది. అయితే తాజాగా గడిచిన 24 గంటలలో 27,717 శాంపిల్స్‌ని పరీక్షించగా కేవలం 56 పాజిటివ్ కేసులు నమోదు అయ్యాయి. కరోనా బారిన నేడు మరొ ఇద్దరు మృతి చెందారు. అయితే రాష్ట్రంలో మొత్తం పాజిటివ్ కేసుల సంఖ్య 8,87,066 కి చేరింది.

అయితే ఇందులో ప్రస్తుతం 1,389 మంది చికిత్స పొందుతుండగా 8,78,528 మంది డిశ్చార్జ్ అయ్యారు. ఇక నేడు కరోనా నుంచి కోలుకుని 141 మంది డిశ్చార్జ్ అయ్యారు. ఇదిలా ఉంటే రాష్ట్రంలో మొత్తం కరోనా మరణాల సంఖ్య 7,149 కి చేరింది. అయితే ఇప్పటి వరకు రాష్ట్రవ్యాప్తంగా మొత్తం 1,29,03,830 శాంపిల్స్ పరీక్షించారు.