ఏపీలో కొత్తగా మరో 599 కరోనా కేసులు.. మరో 6 మంది మృతి..!

Friday, December 4th, 2020, 10:00:19 PM IST

ఏపీలో కరోనా కేసుల సంఖ్య క్రమ క్రమంగా తగ్గుతూ వస్తుంది. గతంలో రెండు వేలకు పైగా కొత్త కేసులు నమోదవుతుండగా కొద్ది రోజుల నుంచి ఆ సంఖ్య మరింత తగ్గింది. అయితే తాజాగా గడిచిన 24 గంటలలో 63,406 శాంపిల్స్‌ని పరీక్షించగా కేవలం 599 పాజిటివ్ కేసులు నమోదు కాగా, కరోనా బారిన పడి మరో 6 మంది మృత్యువాత పడ్డారు. దీంతో రాష్ట్రంలో మొత్తం పాజిటివ్ కేసుల సంఖ్య 8,70,675 కి చేరింది.

అయితే ఇందులో ప్రస్తుతం 6,422 మంది చికిత్స పొందుతుండగా 8,57,233 మంది డిశ్చార్జ్ అయ్యారు. ఇక నేడు కరోనా నుంచి కోలుకుని 913 మంది డిశ్చార్జ్ అయ్యారు. ఇదిలా ఉంటే రాష్ట్రంలో మొత్తం కరోనా మరణాల సంఖ్య 7,020 కి చేరింది. అయితే ఇప్పటి వరకు రాష్ట్రవ్యాప్తంగా మొత్తం 1,02,93,151 శాంపిల్స్ పరీక్షించారు.