తెలంగాణలో ఆగని కరోనా కేసులు.. కొత్త కేసులు ఎన్నంటే?

Friday, September 11th, 2020, 09:37:56 AM IST

తెలంగాణలో రోజు రోజుకు కరోనా కేసులు పెరుగుతూనే ఉన్నాయి. గత కొద్ది రోజుల నుంచి భారీగా పాజిటివ్ కేసులు నమోదవుతుండగా తాజాగా గడిచిన 24 గంటలలో 2,426 కొత్త పాజిటివ్ కేసులు నమోదు కాగా కరోనా కారణంగా మరో 13 మంది చనిపోయారు. ఇక కరోనా నుంచి కోలుకుని నేడు 2,324 మంది డిశ్చార్జ్ అయ్యారు.

అయితే తాజా కేసులతో కలిపి రాష్ట్రంలో మొత్తం కరోనా కేసుల సంఖ్య 1,52,602 కి చేరింది. ఇదిలా ఉండగా కరోనా నుంచి కోలుకుని ఇప్పటివరకు 1,19,467 మంది డిశ్చార్జ్ కాగా ఇంకా 32,195 యాక్టివ్ కేసులు ఉన్నాయి. అటు రాష్ట్రంలో కరోనా మరణాల సంఖ్య 940 కి చేరింది. ఇదిలా ఉంటే గడిచిన 24 గంటల్లో 62,890 మంది శాంపిల్స్‌ను పరీక్షించారు. ఇప్పటి వరకు రాష్ట్రంలో మొత్తం 20,16,461 టెస్ట్‌లు చేశారు. ఇక ప్రస్తుతం రాష్ట్రంలో రికవరీ రేటు 78.2 శాతం ఉండగా, మరణాల రేటు 0.61% ఉన్నట్టు హెల్త్ బులెటిన్ తెలిపింది.